Грузія

З пляцоўкі Вікіпедыя.

საქართველო Грузія
герб	сцяг
дэвіз: '
геаграфічнае месцазнаходжанне
дата ўтварэння
дзяржаўная мова:	грузінская
сталіца:	Тбілісі
прадстаўнік дзяржавы:	Міхаіл Саакашвілі
кіраўнік дзяржавы:
плошча:	69,700 км²
насельніцтва:	4,630,000 2008
шчыльнасць насельніцтва:	66 жых./км²
грашовая адзінка:	лары
часавы пояс:	UTC+4
гімн:
нумарныя знакі аўтамабіляў:
дамен у Інтэрнеце:	.ge
міжнародны тэлефонны код:	+995
карта

ГРУ́ЗІЯ (па-грузінску: საქართველო, Сакартвела) — краіна на Каўказе. Мяжуе з Расіяй, Азербайджанам, Арменіяй, Турцыяй. Мае выйсце да Чорнага мора.

На тэрыторыі Грузіі існуюць самаабвешчаныя рэспублікі: Абхазія і Паўднёвая Асеція.

Змест 1 Прырода 1.1 Рэльеф, карысныя выкапні 1.2 Клімат 1.3 Унутраныя воды 1.4 Глебы 1.5 Расліннасць 1.6 Жывёльны свет 2 У Сеціве

[правіць] Прырода

[правіць] Рэльеф, карысныя выкапні

Большаая частка Грузіі занята гарамі. На поўначы працягваецца горная сістэма Вялікага Каўказа з вышынямі да 4500–5000 м над у.м. Найвышэйшы пункт Грузіі – гара Шхара (5068 м). У верхніх частках хрыбтоў Вялікага Каўказа шмат леднікоў. Да восевай водападзельнай часткі гор прымеркаваныя вядомыя горныя перавалы.

Хрыбты паўднёвага схілу Вялікага Каўказа падзяляюцца глыбокімі рачнымі далінамі. Тут ва ўмовах цёплага і вільготнага клімату ў карбанатных пародах развіты карст. Толькі на нізкіх хрыбтах (ніжэй 1000 м над у.м.) налічаецца больш 470 карстоавых пячор, уключаючы самую вялікую Новоафонскую (даўжынёй 3,3 км). На паўднёвым схіле Вялікага Каўказа знаходзяцца буйныя радовішчы марганцу, срэбна-свінцовых і цынкавых руд, барыту, каменнага вугалю, мармуру.

Паміж Вялікім і Малым Каўказам размешчаная субшыротная зона міжгорных катлавін, дзе засяроджаныя найбольш урадлівыя глебы Грузіі. На захадзе вылучаецца моцна забалочаная Калхідская нізіна, на ўсходзе – раўніны, на якіх здаўна склаліся гістарычныя правінцыі Імярэтыя, Картлі і Кахетыя. З усходу Калхідскую нізіну замыкае Ліхскі (Сурамскі) хрыбет, які з'яўляецца прыроднай мяжой, што аддзяляе заходнія раёны Грузіі ад усходніх.

Горы Малога Каўказа на поўдні краіны маюць сярэднія вышыні 2000–3000 м. У межах Паўднёва-Грузінскага (Джавахетскага) нагор'я сустракаюцца лававыя плато і азёры вулканічнага паходжання.

У шматлікіх раёнах Грузіі маюцца выхады мінеральных крыніц, якія выкарыстоўваюцца ў бальнеялогіі (Баржомі, Цхалтуба і інш.).

Тэрыторыя Грузіі адрозніваецца падвышанай сейсмічнасцю, у некаторых раёнах адбываюцца землятрусы сілай да 5–7 балаў (асабліва ва ўсходніх раёнах).

[правіць] Клімат

У заходніх раёнах, якія знаходзяцца пад уздзеяннем Чорнага мора, лета – вільготнае і цёплае, з сярэднімі тэмпературамі ліпеня 22–24 °C. Зімы мяккія, сярэднія тэмпературы студзеня 4–7 °C. Выпадае вялікая колькасць ападкаў (1000–2000 мм у год) з максімумам у Аджарыі (да 3200 мм). Пераважная частка ападкаў прыходзіцца на вясну.

Ліхскі хрыбет перахапляе вільгаць паветраных мас, якія рухаюцца з захаду на ўсход. Ва ўсходніх раёнах Грузіі клімат фарміруецца пад уплывам кантынентальных паветраных мас. На раўнінах лета больш працяглае і гарачае, з сярэднімі тэмпературамі ліпеня 23–25 °C. Зімы прахалодныя, з сярэдняй тэмпературай студзеня ад +1 да –2 °C. Сярэдняя гадавая колькасць ападкаў 400–600 мм, максімум прыходзіцца на канец вясны і пачатак лета.

На схілах гор Грузіі сярэднія тэмпературы ліпеня паніжаюцца да 4–6 °С, у высакагор'ях сярэднія тэмпературы студзеня могуць дасягаць –10 –16 °С. Сярэдняя гадавая колькасць ападкаў вагаецца ад 1600–2800 мм на захадзе да 1000–1800 мм на ўсходзе Вялікага Каўказа і да 600–700 мм на Паўднёва-Грузінскім нагор'і. Надвор'е ў горах хутка змяняецца. Раптоўныя пахаладанні суправаджаюцца моцнымі снегападамі, ліўнямі, градам і фёнамі (моцнымі, цёплымі вятрамі, якія дзьмуць з гор у даліны).

[правіць] Унутраныя воды

У Грузіі ёсць шматлікія рэкі, многія з іх выкарыстоўваюцца для вытворчасці электраэнергіі і як крыніцы арашэння. Яны жывяцца галоўным чынам за кошт талых снежных і ледніковых вод і атмасферных ападкаў. У предгорных раёнах, складзеных карбанатнымi пародамі, значную ролю ў сілкаванні рэк маюць падземныя воды. Рэкі Заходняй Грузіі мнагаводныя на працягу ўсяго года, а на ўсходзе ўзімку і ўлетку рачны сцёк скарачаецца.

Бoльшая частка рэк (Рыёні, Інгуры, Бзыб, Кеда і інш.) належыць вадазборнаму басейну Чорнага мора, меншая – Каспійскага мора (Кура з прытокамі Алазані, Іоры і інш.). Самая доўгая і многоводная рака Заходняй Грузіі – Рыёні (327 км) берэ пачатак на Вялікім Каўказе і ўпадае ў Чорнае мора блізу Поці. Рака Кура (па-грузінску Мтквары) пачынаецца ў гарах на поўначы Турцыі, перасякае паўднёвую і ўсходнюю Грузію і на тэрыторыі Азербайджана ўпадае ў Каспійскае мора.

Азёры ў Грузіі нешматлікія. Самыя буйныя з іх – Паравані (37,5 кв. км) і Табацкуры (14,2 кв. км) на Джавахетскім нагор'і і Палеастомі (18,2 кв. км) на чарнаморскім узбярэжжы, у вусці р. Рыёні.

[правіць] Глебы

У Грузіі выдзяляюць тры асноўныя глебава-геаграфічныя вобласці: заходнюю, усходнюю і паўднёвую. Для нізін заходняй вобласці (паміж Ліхскім хрыбтом і Чорным морам) характэрныя тарфяныя глебы, прыдатныя для вырошчвання кукурузы; у перадгор'ях распаўсюджаны субтрапічныя чырвоныя і жоўтыя глебы, якія ідэальна падыходзяць для вінаграду, гарбаты і тытуню; у больш высокіх мясцовасцях Мегреліі, Абхазіі і Сванетыі – карычневыя або карбанатныя лясныя і горныя глебы. Ва ўсходняй вобласці пераважаюць старажытныя алювіяльныя глебы. На Ніжнекартлійскай раўніне распаўсюджаны каштанавыя глебы, прыдатныя для вырошчвання гародніны, пладовых і збожжавых культур. Чарназёмы і карычневыя глебы Кахетынскай раўніны выкарыстоўваюцца пад пасевы збожжавых культур і вінаграднікі. Паўднёвая вобласць прымеркаваная да перадгор'яў і паўднёвых схілаў Малога Каўказа і Паўднёва-Грузінскага нагор'я. Для яе характэрна спалучэнне карычневых і горана-лугавых глеб.

[правіць] Расліннасць

Флора Грузіі вельмі разнастайная: толькі кветкавых тут сустракаецца больш 5000 відаў. У залежнасці ад кліматычных асаблівасцяў і абсалютнай вышыні мясцовасці вылучаюцца некалькі зон і вертыкальных паясоў расліннасці (ад стэпавага да альпійскага).

Лясы распаўсюджаныя пераважна ў гарах і займаюць прыкладна трэцюю частку краіны. На захадзе Грузіі яны спускаюцца да самога мора, а на ўсходзе іх ніжняя мяжа знаходзіцца на вышынях ад 600 да 800 м. Асабліва багатыя і разнастайныя лясы Заходняй Грузіі. У іх ніжнім поясе (да 1000–1200 м) пануюць шырокалісцевыя пароды (дуб, граб, каштан, клён, бук і інш.) з вечназялёным падлескам. Для гэтага тыпу лесу, званага калхідскім, характэрна багацце ліян – месцамі ён становіцца непраходным. У забалочаных лясах Калхідскай нізіны пераважае алешына. На некаторых участках узбярэжжа Абхазіі сустракаюцца эндэмiчныя віды, напрыклад хвоя піцундская. На працягу апошніх тысячагоддзяў у далінах распаўсюджваўся вінаград і пладовыя культуры. У Заходняй Грузіі да верхняй мяжы лесу (1700–1800 м) распаўсюджаныя змяшаныя лясы, у якіх спалучаюцца букавыя і ялова-піхтавыя, радзей хваёвыя пароды.

Лясы Усходняй Грузіі фларыстычна менш багатыя. У верхнім поясе гор (да 2300–2400 м) распаўсюджаны елка і піхта, а ў больш усходніх раёнах – толькі хваёвыя і хваёва-бярозавыя лясы. Ніжэй хвойныя лясы саступаюць месца букавым, а затым дубова-грабавым. На крайнім усходзе краіны сустракаюцца невялікія ўчасткі сухіх стэпаў і ксерафітных рэдкалессяў з такімі відамі, як фісташка, гранат і інш. Яшчэ больш абмежаванае распаўсюджванне маюць паўпустыні. У далінах Куры, Алазані і іншых рэк захаваліся поймавыя тугайныя лясы з асіны, вярбы, серабрыстай таполі, дуба, кізіла.

Субальпійскія і альпійскія лугі на захадзе Грузіі падымаюцца да 2800–3000 м, на ўсходзе – да 3600 м над у.м. Для субальпійскіх лугоў Заходняй Грузіі тыпова пышнае высокатраўе з вялікім удзелам парасонавых і бабовых. Нізкатраўныя альпійскія лугі распаўсюджаны фрагментарна, чаргуючыся з каменнымі россыпамі, выхадамі скал і леднікамі.

[правіць] Жывёльны свет

Жывёльны свет Грузіі прадстаўлены больш як 100 відамі млекакормячых, 330 - птушак і 160 - рыб. Шматлікія прадстаўнікі фауны з'яўляюцца эндемікамі, напрыклад, тур кубанскі (рогі якога ў Грузіі выкарыстоўваюцца як пасудзіны для віна).

Вельмі своеасаблівая фауна стэпаў Усходняй Грузіі. Да нядаўняга часу там сустракаўся джэйран, які захаваўся толькі ў асобных мясцовасцях. Часам сустракаецца паласатая гіена. З іншых драпежнікаў варта адзначыць лісіцу, шакала, камышевого ката. У жывёлагадоўчых раёнах распаўсюджаныя ваўкі. Для стэпаў тыповыя грызуны: тушканчыкі, палёўкі, хамякі. Сярод птушак звычайныя палявы верабей, шэрая курапатка, перапёлка, стэпавы арол. Характэрна багацце яшчарак і чарапах, а таксама змей.

Найбольш багаты жывёльны свет лясоў. У шматлікіх раёнах распаўсюджаныя каўказскі алень, казуля, дзік, заяц-русак, вавёрка, а з драпежнікаў – буры мядзведзь, воўк, шакал, рысь, лясны кот і лісіца. Лясы Грузіі славяцца багаццем і разнастайнасцю птушак. Звычайныя тут берасцянка, вялікая сініца, зелянушка, чорны дрозд і інш. З драпежных відаў птушак, занесеных у Чырвоную кнігу Грузіі, сустракаюцца барадач, беркут, белагаловы сіп, чорны грыф і інш. У некаторых мясцовасцях Калхіды і Кахетыі яшчэ можна ўбачыць фазана. З паўзуноў у лясах Грузіі найбольш шматлікія яшчаркі, балотныя чарапахі і змеі.

Высакагорная фауна лепш захавалася ў межах Галоўнага Каўказскага хрыбта. У яго заходняй частцы водзіцца кубанскі тур, ва ўсходняй – дагестанскі. Абодва віды на зіму спускаюцца ў лясны пояс. Амаль паўсюдна распаўсюджаная сарна, а на ўсходзе сустракаецца безааровы казёл. З характэрных птушак высакагор'яў можна адзначыць каўказскага цецерука, кекліка, барадача.

У горных рэках і азёрах водзяцца стронга, вусач, сазан і інш.

[правіць] У Сеціве

• Full information about (country) Georgia
• Georgia TVNews (english, german, russian, georgian)
• Friends of Georgia (Friends of Georgia International Foundation. Information on Culture, History, Gastronomy, etc).

�г·р·п� Садружнасць Незалежных Дзяржаў
Удзельнікі	Азербайджан • Арменія • Беларусь • Казахстан • Кыргызстан • Малдова • Расія • Таджыкістан • Узбекістан
Асацыяваныя члены	Туркменістан
Фактычныя члены	Украіна
Былыя члены	Грузія (1993 - 2009)

�г·р·п� Арганізацыя Дагавора аб калектыўнай бяспецы
Удзельнікі	Арменія • Беларусь • Казахстан • Кыргызстан • Расія • Таджыкістан • Узбекістан
Былыя члены	Азербайджан (1994 - 1999) • Грузія (1994 - 1999)